الرئيسية / اخر اخبار الكورة / فى استفتاء كوره اليوم لافضل صحفي رياضي علي السوشيال ميديا دكتور محمد جمال رئيس تحرير كوره نيو وحديث عن صحافه السوشيال ميديا

فى استفتاء كوره اليوم لافضل صحفي رياضي علي السوشيال ميديا دكتور محمد جمال رئيس تحرير كوره نيو وحديث عن صحافه السوشيال ميديا



في البدايه عايزين نعرف حضرتك دخلت مجال الصحافه ازاى وهل انتمائك للنادى الاهلي كان بيأثر ع شغلك ؟
دخلت مجال الصحافه تقريبا ٢٠٠٧ في اكثر من موقع منهم دوت مصر والقاهره وأمواج

بحاول لحد بعيد اني افصل بين الانتماء والعمل لان ده فيه جزء كبير من الاحترافيه..لكن بره الشغل انتمائي للاهلي مش بمزاجي ده في الدم

شايف ان السوشيال ميديا بتأثر سلبيا فعلا ع الكوره في مصر يعني ازمه زي بتاعه مباره الاهلي والزمالك وملعب المباره الموسم الماضي هل شايف ان السوشيال ميديا وحضور الجماهير في التتش كان ليها دور في قرار أن المباره تكون في برج العرب زي ما الاهلي كان عايز ؟

طبعا الجماهير هي عَصّب الكره لكن الاستقطاب الواضح خاصه مع ظهور الاولتراس تسبب في احتقان دائم والسوشيال ميديا هي المحرك الأكبر للجماهير خاصه الفئه العمريه من ١٥-٢٥
لكن طبعا الشباب محتاج دعم وتوعيه ومسانده بعد كده حاسبهم براحتك

رايك ايه وانا عارف ان حضرتك واحد من الناس اللي بتدي فرصه للشباب وبتساعدهم كتير في ان معظم الناس ع السوشيال ميديا دلوقتي بتنزل اخبار عندها وبتتعامل ع انهم صحفيين وفي ناس كتير بتصدقهم وممكن تكون اخبارهم فيها نوع من التعصب ؟
طبعا دي من سلبيات السوشيال ميديا الواضحه جدا واحنا بنحاول نحتوي اي حد عنده موهبه ونديله فرصه بشكل اكثر احترافيه عشان يتعلم ويخد الخبره اللي تحطه علي اول الطريق
لتقليل الموضوع ده وطبعا ده مع اللي عنده الموهبه والدافع انه يتعلم
طيب دكتور محمد شايف ازاي منتخب مصر ونسبه تأهله الي مونديال روسيا ؟ وهل فعلا انتقاد هيكتور كوبر بسبب طريقه لعب المنتخب وانه بيعتمد ع جمله واحده فقط ده صح خصوصا ان الراجل قدر يصعد بالمنتخب الي امّم إفريقيا وفاز في اول مباره خارج ملعبه وتصدر المجموعه ؟

لا طبعا انا ضد الهجوم علي كوبر ، حتي اللحظه الرجل حقق كل اللي أتطلب منه واعتماده علي نقاط القوه في المنتخب (صلاح) تحديدا مش عيب كل فرق العالم بتبني لعبها علي لاعب او اتنين وان شاء الله مصر في روسيا ٢٠١٨
لكن طبعا مع انتقاده الموضوعي لو اخطا لان اكيد له بعض الاخطاء الفنيه

تمام شايف الزمالك قادر ع تخطي عقبه صن داونز يوم السبت القادم وتحقيق نتيجه إيجابيا خارج ملعبه ؟

طبعا الزمالك يقدر يتجاوز ده لان لاعيبه الزمالك عندها خبره اكبر يمكن صن داونز عندهم 4 لاعبين فقط دولين عكس الزمالك اللي دلوقتى عنده فى حدود 7 لاعبين داخل المنتخب لكن اللي الناس مش واخده بالها منه هو نقص القايمه اللي تسبب فيه رئيس نادى الزمالك مرتضي منصور لان القايمه فيها 15 لاعب فقط خصوصا لو حد من الخمس لاعبين اللي عندهم انزارات ملعبش ماتش العوده وماتش الذهاب عليه عامل كبير اوى لان فريق صن دونز مش من الفرق اللي بتتغلب بفرق كبير فلو قدر يحسم ماتش الذهاب بنتيجه كبيره بدون تسجيل الزمالك لاهداف هيصعب ماتش العوده جدا لكن انا عند كلامي ان البطوله حتي الان 50% للزمالك و 50 % صن داونز

عن Mahmoud MoKa

شاهد أيضاً

محمد صلاح

محمد صلاح على بعد خطوة من إنجاز تاريخي جديد أمام تشيلسي

تابِع @koraelyoum يدخل النجم المصري محمد صلاح مهاجم ليفربول مباراة تشيلسي بالجولة 36 في الدوري الإنجليزي، مستهدفاً رقم قياسي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *