الرئيسية / اخر اخبار الكورة / الصحفى شريف جمعه لكورة اليوم السوشيال ميديا اصبحت المنبر الاهم علي الساحه حاليا

الصحفى شريف جمعه لكورة اليوم السوشيال ميديا اصبحت المنبر الاهم علي الساحه حاليا



هو احد الصحفيين الشباب الذين يتمتعون بمصدقيه وشفافيه كبيره ويثق فيه الملايين من جمهور النادى الاهلي فى ظل وجود صحافه السوشيال ميديا وانتشارها بشكل كبير كان لابد علينا ان نجرى هذا الحوار مع واحد من اهم الصحفيين علي السوشيال ميديا حاليا وهو الاستاذ شريف جمعه

في البدايه يا استاذ شريف قولنا ايه رايك فى صحافه السوشيال الميديا اللى انتشرت بشكل سريع الفتره اللي فاتت ع صفحات التواصل الاجتماعى واللى اظهرت العديد من الصحفيين اللى مكنوش واخدين فرصتهم نظرا لاحتقار القنوات الفضائيه والصحف والمواقع لاشخاص ثابته ومش بتتغير ؟

اولا عاوز ارحب بيك واشكرك علي الحوار ده وكمان عاوز أشكر كل اصحاب الفضل عليا وأهمهم جمهور الأهلي اللي ساندني كتير لحد ماوقفت علي رجلي السوشيال ميديا خلاص بقا المنبر الاهم علي الساحة حالياً ، المارد اللي قدر يخضع الراديو والتليفزيون والصحف ونجح في جذب ملايين الملايين ، وايضا إظهار عشرات المواهب والسوشيال زيها زي اي شئ ليه سلبيات وليه إيجابيات وعلينا بقليل من الوعي والادراك اننا نميز بين الفايدة وبين الضرر وأعتقد خلاص قطاع كبير من متابعي السوشيال خاصة الرياضية بقى عندهم وعي يفرقوا بين التجارة والتصنع وبين كلمة الحق .

استاذ شريف ايه رايك فى قناه النادى الاهلي بعيدا عن انتماء حضرتك للنادى ؟

معلش بس عاوز اسجل اعتراضي علي كلمة بعيداً عن انتمائك أنا عمري ما قولت رأي فني او صحفي الا وكانت الواقعية اساسة فعلا أهلاوي لكن الجميع يعرف اني اكبر ناقد للأهلي وسلبياته ولأي وضع سئ وأهم هذه السلبيات هي قناة الأهلي اللي تعتبر جريمة في حق إسم وتاريخ وجمهور وقيمة النادي الأهلي ولا أخفيك سرا إني أقول إن الأهلي تعرض لعملية نصب من شركة برزنتيشن لقتل وإجهاض المنبر الاعلامي الاول لجمهور النادي الأهلي ويسأل عن ذلك مجلس ادارة النادي الاهلي اللي التاريخ مش هيرحمه .

ايه تقيم حضرتك لمجلس اداره النادي في السنتين اللي فاتوا ؟

بإختصار علي المستوي الاقتصادي جيد جدا علي مستوي الرؤى الانشائية جيد جدا علي مستوي إدارة ملف كرة القدم أو الملف الرياضي مقبول او لو هياخد درجة من 10 فياخد 5 من 10 وده في دنيا الأهلي = فشل

هل شايف ان النادى الاهلي يستطيع مع البدرى العوده لمنصات التتويج الافريقيه من جديد

أكيد البدري قادر علي قيادة سفينة الاهلي نحو عودة البطولات ولو البدري عاوز يكتسح جميع البطولات دوري وكاس وافريقيا وسوبر مصري وافريقي عليه فقط بالعدل في إشراك الصفقات والجديدة والمتميزين وابعاد اي لاعب سئ مهما كان اسمه ساعتها لو النتيجة هتكون 3 بطولات من 5 هتبقي 5 من 5 .

شريف فين بقى من القنوات التلفزيونيه يعنى الحقيقه انت واحمد ثابت ومحمد جمال مع حفظ الالقاب طبعا للجميع الناس كلها شايفه ان عدم وجدتكم فى اى قناه رياضيه الى الان هو ظلم كبير نظرا لامكانيتكم والشعبيه الكبيره اللى بتتمعته بيها وهل فعلا اهلاويتك الشديده سبب فى عدم وجودك فى اى قناه الى الان ؟

الحمدلله علي كل شئ ، وأنا دايماً شايف إن ربنا عنده الخير وعنده الافضل فقط بجتهد وبعمل اللي عليا وبخصوص اهلاويتي سبب ابتعادي عن القنوات هقولك مفاجآة بل عدة مفاجآت صدي البلد كلموني عشان اتواجد في برنامج د. عمرو عبدالحق لكن قالولي عاوزينك تظهر بشكل جديد الحيادية ولازم تخلع تيشرت الاهلي قولتلهم الحيادية دي يعني اشجع الاهلي سبت واثنين واربع وأشتمه حد وتلات وخميس اسف عرضكم مضحك ومتواجدين كلهم تقدر تقولهم إيه السبب هيقولولك اعلام جديد ثانيا كلمني عن قناة الاهلي كانوا عاوزيني أعمل برنامج إسمه ” ميزان الانجازات ” واتكلم عن الإنجازات والطفرة الكبيرة اللي بتحصل في النادي فقط وطبعاً لا تعليق والحمدلله أولاً وأخيراً وياسيدي لو أهلاويتي الشديدة تهمه فما أجملها تهمه

اخيراً ايه حكايه تخاطيف مع شريف ومنين جاتلك الفكره ؟

دي كانت مكافئة ربنا ليا البداية جت مع شعوري بحملة إسكات وخنق أي كلمة حره بالتحديد بداية من 2014 مع تولي مجلس الزمالك الجديد بدأ يبقي في رعب اعلامي وصمت غريب مع ظهور نغمة غريبة ضد الاهلي وهنا كانت البداية فضلت أكتب حاجات مقتطفة صغيرة ربما كانت معبرة رغم قصر كلماتها اللي أظهرتها فى صورة تخاطيف او ” اخبار وتعليقات مخطوفة تعبر وتوصف وتنقل الحدث او المعلومة ” ومن هنا بقت #تخاطيف_مع_شريف.

 

عن Mahmoud MoKa

شاهد أيضاً

محمد صلاح

محمد صلاح على بعد خطوة من إنجاز تاريخي جديد أمام تشيلسي

يدخل النجم المصري محمد صلاح مهاجم ليفربول مباراة تشيلسي بالجولة 36 في الدوري الإنجليزي، مستهدفاً رقم قياسي تاريخي جديد، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *