الرئيسية / اخبار الكرة المصرية / أحمد فتحى : مستاء من مقولة اللاعبين الكبار .. هنعمل ايه يعنى ؟
أحمد فتحى
أحمد فتحى

أحمد فتحى : مستاء من مقولة اللاعبين الكبار .. هنعمل ايه يعنى ؟


اعلن اللاعب أحمد فتحى لاعب منتخب مصر و النادى الأهلى عن استياؤه و غضبه الشديد من مقولة ” اللاعبين الكبار فى الأهلى .. و دورهم فى لم شمل الفريق “.

و قد صرح أحمد فتحى من خلال لقاؤه مع برنامج الملاعب اليوم .. ” أنا زهقت من نغمة اللاعبين الكبار و مش فاهم يعنى ايه اللاعبين الكبار و بالظبط الناس عايزة ايه من اللاعبين الكبار .. مش احنا اللى بندير النادى .. و أنا زى زى اى لاعب و مش علشان أنا كبير هلف و أزعق فى باقى زملائى مضيفا .. الجميع بيلعب و بيجتهد لمصلحة النادى “.

و أكمل فتحى موجها حديثه لمن يقول اللاعبين الكبار يلموا شمل الفريق قائلا : ” هو شمل الفريق اتفرد عشان نلمه اللى حصل الفترة الماضية كان سوء توفيق ليس الا و ده امر طبيعى و بيحصل مع أكبر أندية العالم .. مفيش حاجة اسمها ده لاعب كبير و ده لاعب صغير و الجميع متساوين و الأفضلية للمجهود داخل الملعب و هفضل اعارض الكلمة دى بكل ما تحمله من معنى سواء كبير سنا او كبير اسما “.

و أنهى أحمد فتحى حديثه : ” كل الناس بتسأل الكابتن حسام البدرى هيعمل ايه مع اللاعبين الكبار؟ .. هيعمل ايه يعنى .. هيشنقهم مثلا و لا هيعلقهم و لا هيمشيهم ؟.

و قال أحمد فتحى عن نفسه ” انا مش بحس نفسى كبير فى مصر سنا أو اسما .. التاريخ فى مصر بيتنسى و بيتمحى بسهولة و الناس بتنسى بسرعة حارس مرمى بقيمة عصام الحضرى لو دخل فيه هدف يقولوا ده مينفعش يقف جول اصلا “.

أحمد فتحى

عن يوسف ابراهيم

شاهد أيضاً

غلاف الماركا : يالها من حفلة

تابِع @koraelyoum هاي كورة : سلطت صحيفة الماركا الاسبانية الضوء عبر غلافها الرسمي الصادر لطبعة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *